Una scritta nel muro di una casa abbandonata di Sant’Antioco

[Davide Mocci e Andrea Fois]

Riceviamo e pubblichiamo un’analisi bilingue sulla fase politica dell’indipendentismo di sinistra e delle scelte elettorali delle sigle che compongono questa area a firma di Davide Mocci e Andrea Fois.

Dae unos cantos meses amus cumentzadu una dibata cunfrontende•nos fache a pare cun cumpàngios e cumpàngias chi cumpartzint is matessi ideas nostras, de sa manca indipendentista, pro pesare unu partidu polìticu nou chi potzat èssere su partidu chi bolimus nois.

Sunt persones chi dae annos medas sunt ativas pro difèndere sa terra nostra dae is polìticas coloniales, a intro de paritzos colletivos, comitados, assembleas e assòtzios. Totus nois, dae annos, intendimus unu bòidu polìticu mannu, pro sa farta de unu partidu chi rapresentet is ideas nostras e chi potzat traballare paris cun totu is realidades “de movimentu” chi naschent dae sa sotziedade sarda e in ue nois traballamus.

Pro custa resone amus cumentzadu sa dibata nostra cun is persones chi cumpatzint s’orizonte polìticu nostru – sotzialista e indipendentista – e chi in su matessi tempus bolent praticare una polìtica chi non siat cungiada in su setarismu ma cunfrontendesì cun sa sotziedade tzivile in Sardigna.

Sa sotziedade nostra, comintzende dae is classes populares, est su campu in ue sa manca indipendentista e anticolonialista diat dèpere cumbàtere una batalla pro s’egemonia, cun sa punna de conchistare is formatziones sotziales, istesiende•las dae s’influèntzia de is partidos chi sunt prus responsàbiles de s’isfrutamentu e sa subalternidade de sa Sardigna: prus che totu su Partito Democratico e sa coalitzione de sa destra italiana chi oe est ghiada dae Fratelli d’Italia.

Bi sunt unas cantas fortzas sotziales sanas in Sardigna, chi ponendesì in pare diant pòdere resessire in ue in su tempus passadu amus semper pèrdidu.

Fatuvatu s’est miradu cun discunfiàntzia a movimentos, comitados e assebleas populares, e a bias sa manera de si cumportare cun issos fiat finas de competitzione, ca sunt realidades chi non faghet a ddas assogare.

Is indipendentistas depent tènnere una visione polìtica crara,chi non siat compatìbile cun sa de is meres de sa polìtica coloniale, e s’istrategia de sos indipendentistas depet dipèndere dae custa visione.

Non si podet pedire chi siant gai craros a is movimentos sotziales e a is grupos de sa sotziedade tzivile chi indipendentistas non sunt: issos ant a bantzicare semper intre chie at a resessire a intercetare sa suferèntizia issoro, batende•ddi propostas polìticas chi pàrgiant credìbiles.

Sa die chi is indipendentistas ant a resessire a batire a s’ala issoro sa prus parte de sa sotziedade sarda e is espressiones prus cussientes, no in contu de temas ideologicos, ma furriende custos in sa pratica e in un’atzione politica fitiana, at a èssere sa die chi amus a tènnere una rapresentantzia intro de su cunsìgiu regionale gràtzias a una proposta eletorale chi tèngiat sa base sua in Sardigna e non tèngiat acàpios cun chie mantenet su pòpulu sardu assogadu.

Si cherimus fraigare un’alternativa progresista sarda a su progetu polìticu-economicu chi nos imponet s’istadu italianu, totu est possìbile solu pro mèdiu de unu traballu peleosu in sa sotziedade e non pro mèdiu de incurtzadòrgias fàtziles e illusòrias.

S’eletoralismu sena prospetiva at fatu nàschere unu muntone de listas indipendentistas chi ant tentu una vida curtza meda e mai s’est mancu provadu a fraigare una proposta politica cun una mirada longa, in ue is eletziones esserent isceti una de is tantas maneras pro faeddare a sa sotziedade.

Tando no est ispantu chi sa prus parte de is eletores sardos no apant premiadu mai listas estemporaneas, fraigadas isceti in tempus de campagna eletorale.

Est berus chi in Sardigna tenimus una lege eletorale fascista chi rapresentat unu problema sèriu pro sa rapresentantzia democratica de is minorias polìticas, ma custu no est de seguru su solu problema in sa relatzione de is indipendentistas cun is eletziones.

Intre is candidaturas indipendentisas, is mègius esempros (chi de seguru si podent megiorare ancora) de su tempus passadu sunt Sardegna Possibile (chi at fatu sa balentia de acostiare setores mannos de sa sotziedade a su progetu suo e fintzas de furare rogos de is partidos coloniales, acurtziende•los a is ideas indipendentistas) e Mesa de sos Sardos Lìberos ( chi in is annos ‘90 est resessida a incarrerare a sa banda sua su Movimentu de is Pastores Sardos).

Oe puru b’at concas, fortzas, intellighèntzias de pònnere in sinergia e diat èssere profetosu chi is fortzas indipendentistas proent a lu fàghere in sa manera giusta, partende dae is mègius esempros de is candidaturas passadas e punnende a las megiorare ancora.

Su progetu nostru at a èssere pùblicu in pagu tempus, ma giai dae como amus detzididu chi no amus a leare parte a sas eletziones, fraighende unu traballu polìticu cun una mirada prus longa.

Prusaprestu dìamus pòdere arresonare cun unu progetu eletorale tzìvicu/indipendentista chi bèngiat acumonadu dae una prospetiva nen setària nen dogmàtica, cun sa punna de coinvòlgere sa sotziedade sarda in is chistiones polìticas, de manera chi bi leent parte ativamente.

Làstima chi pro como non siat galu essidu a campu unu progetu comente lu disigiamus.

A un’ala Lìberu at isseberadu de pigare parte a s’alleàntzia de su tzentru-manca italianu, cun s’ispera de resessire a elègere unu de is dirigentes suos in su Cunsìgiu regionale, e cun sa seguresa de àere legitimadu in s’àrea polìtica sua su PD che alleadu naturale e non prus che craru inimigu.

A s’àtera ala, durante duas assembleas in s’incomintzu de s’istade, s’est posta in pare un’agregatzione natzionalista chi paret dogmàtica meda e pagu interessada a is problemas cuncretos chi sufrit su pòpulu sardu, in prus giùghet comente mìnimu denominadore comunu un’identitarismu in ue non nos podimus reconnòschere.

Sa prus interessante proposta nos paret pro como sa de Progres e Irs, chi ant fraigadu unu “secondo polo” cun unos partidos italianos de raighina comunista, a pitzus de su reconnoschimentu comunu de su deretu a s’autodeterminatzione de su pòpulu sardu.

Faghet rìere a paragonare Potere al Popolo a su PD pro sa solu resone de èssere ambos “partidos italianos”, ca est evidente chi no ant is pròpiu responsabilidades in s’isperdìtziu de is deretos de is traballadores e in s’opressione chi est patende su pòpulu nostru.

Bellegasi nemancu custu progetu nos paret de bi pònnere aficu, ca est nàschidu petzi dae un’acordu intre sìglas e ca est ideològicu in manera esagerada e mancante de propostas cuncretas e realizabiles dae sa Giunta regionale imbeniente.

Nos paret un’alleàntzia nàschida pro sas eletziones ebbia, pro non dèpere brincare custu giru, ma sena chi sas diversas cumponentes ideològicas siant misciadas paris in una proposta polìtica chi potzat unire a beru sa pelea pro sa giustìtzia sotziale e sa pelea pro s’autodeterminatzione de su pòpulu sardu: cosa chi diat èssere profetosa.

B’est semper sa possibilidade chi cuddas agregatziones si potzant unire, megiorare e chi nde nascant àteras noas.

Mescas pensamus chi is chi ant ocupadu sa polìtica indipendentista pro annos medas, cun resurtados a bortas finas bonos, diant dèpere fàghere unu passu a segus e si diant dèpere pònnere a dispositzione cun s’esperièntzia issoro, lassende logu a su protagonismu de su pòpulu sardu.

Quali prospettive per la sinistra indipendentista?

Da diversi mesi abbiamo intrapreso un percorso di confronto con alcuni compagni e compagne che si riconoscono nelle idee della sinistra indipendentista per costituire un nuovo soggetto politico rispondente alle nostre aspettative.

Si tratta di persone che da molti anni sono impegnate per difendere la nostra terra dalle politiche coloniali, all’interno di svariati collettivi, comitati, assemblee e associazioni. Tutti e tutte noi, da anni, sentiamo un grave vuoto politico, per la mancanza di un partito che rappresenti le nostre idee e che possa agire in sinergia con tutte le realtà “di movimento” espresse dalla società sarda e di cui noi facciamo parte. Quindi abbiamo iniziato il nostro dibattito con persone che condividono il nostro orizzonte ideologico socialista e indipendentista e al tempo stesso intendono praticare una politica non settaria e dialogante con la società civile in Sardegna.

La nostra società, a partire dalle classi popolari, è il campo in cui la sinistra indipendentista e anticolonialista dovrebbe combattere una battaglia per l’egemonia, puntando a conquistare le realtà che sono più coscienti e allontanarle dall’influenza dei partiti maggiormente responsabili dello sfruttamento e della subalternità della Sardegna: in particolare il Partito Democratico e il polo della Destra, oggi a trazione Fratelli d’Italia.

Ci sono moltissime forze sociali sane in Sardegna, che aggregandosi potrebbero avere successo dove in passato si è sempre fallito.

Spesso si è guardato con diffidenza movimenti, comitati e assemblee popolari, quando non ci si è messi proprio in competizione con essi, in quanto realtà spontanee e non irreggimentabili.

Gli indipendentisti devono avere una visione politica chiara, incompatibile con quella dei padroni della politica coloniale, e la strategia degli indipendentisti deve dipendere da tale visione.

Non ci si può aspettare questa chiarezza dai movimenti sociali e i gruppi della società civile che indipendentisti non sono: loro oscilleranno sempre fra chi riuscirà a intercettare la loro sofferenza, portando proposte politiche che appaiano credibili.

Il giorno in cui gli indipendentisti riusciranno a portare dalla propria parte una buona fetta della società sarda e delle sue espressioni più coscienti, non su questioni ideologiche, ma traducendo queste nella pratica di un’azione politica quotidiana, sarà il giorno in cui riusciremo ad avere anche una rappresentanza nel consiglio regionale attraverso una proposta elettorale che sia centrata in Sardegna e non abbia legami di dipendenza con chi tiene il nostro popolo sottomesso.

Se vogliamo costruire un’alternativa progressista sarda al progetto politico-economico che ci viene imposto dallo Stato italiano, tutto ciò è possibile solo attraverso un complesso lavoro nella società e non attraverso facili e illusorie scorciatoie.

L’elettoralismo fine a sé stesso ha portato alla creazione di una miriade di liste indipendentiste dalla vita brevissima, mentre non si è mai neppure tentato di costruire una proposta politica a lungo termine, in cui lo strumento elettorale fosse solo una fra le modalità possibili per rivolgersi alla società.

Non è quindi strano, in fin dei conti, che l’elettorato sardo non abbia mai premiato liste estemporanee, costruite nello spazio di una campagna elettorale.

E’ vero che in Sardegna abbiamo una legge elettorale fascista che rappresenta un serio problema di accesso alla rappresentanza democratica per le minoranze, ma questo non è certo l’unico problema nel rapporto degli indipendentisti con le elezioni.

Fra le candidature indipendentiste gli esempi migliori (ma certamente migliorabili) sono stati Sardegna Possibile (che riuscì nell’impresa di unire larghi segmenti sociali al loro progetto, oltre che rubare pezzi ai partiti coloniali, avvicinandoli a posizioni indipendentiste) e Mesa de sos Sardos Lìberos (che negli anni ‘90 riuscì a fare schierare dalla propria parte il Movimento Pastori Sardi).

Anche oggi ci sono teste, forze, intelligenze da mettere in sinergia ed è auspicabile che le forze indipendentiste provino a farlo nel modo giusto, partendo dagli esempi migliori delle candidature del passato e puntando a migliorarli ulteriormente.

Il nostro progetto verrà reso pubblico a breve, ma abbiamo già deciso che non intendiamo partecipare alle elezioni, impegnandoci invece in un lavoro politico di più ampio respiro. Piuttosto potremmo dialogare con un’aggregazione elettorale civica/indipendentista nell’ottica di una prospettiva non settaria nè dogmatica, ma che punti a coinvolgere attivamente la società sarda.

Purtroppo al momento non si è palesato un progetto che risponda alle nostre aspettative.

Da un lato Liberu ha deciso di partecipare all’alleanza del centrosinistra italiano, con la speranza di riuscire ad eleggere in consiglio regionale uno dei suoi dirigenti, e con la sicurezza invece di aver legittimato il Partito Democratico agli occhi della propria area di riferimento, come un alleato naturale e non più come un nemico dichiarato.

D’altra parte, nel corso di due assemblee a inizio estate si è delineata un’aggregazione nazionalista che appare molto dogmatica e poco rispondente alle problematiche concrete vissute dal popolo sardo, oltre ad avere come minimo comune denominatore un identitarismo nel quale non possiamo riconoscerci.

La proposta più interessante ci sembra al momento quella di Progres e Irs, che hanno creato un “secondo polo” con alcuni partiti italiani di matrice comunista, sulla base del comune riconoscimento del diritto di autodeterminazione del popolo sardo.

È ridicolo paragonare Potere al Popolo al PD in quanto entrambi “partiti italiani”, perché è evidente che non hanno le stesse responsabilità nello smantellamento dei diritti dei lavoratori e nell’oppressione vissuta dal nostro popolo.

Tuttavia neppure questo progetto ci sembra per ora convincente, perché è frutto esclusivamente di un accordo fra sigle e perché eccessivamente ideologico e carente di proposte concrete e realizzabili da parte della prossima Giunta Regionale. Purtroppo ci sembra un cartello creato solo in funzione delle elezioni, ideato per non dover saltare una tornata elettorale, ma senza che le diverse componenti ideologiche siano amalgamate in una proposta politica che possa davvero riunire le istanze delle lotte per la giustizia sociale con quelle per l’autodeterminazione del popolo sardo: cosa che a mio avviso sarebbe certamente auspicabile.

Non escludiamo la possibilità che tali aggregazioni possano unirsi, migliorarsi, e che ne nascano di nuove.

Soprattutto pensiamo che chi ha occupato la scena del mondo indipendentista per tanti anni, con risultati talvolta anche positivi, dovrebbe fare un passo indietro e mettersi a disposizione con il suo carico di esperienza, lasciando finalmente spazio al protagonismo del popolo sardo.