Gavinu Dettori

Il nostro compagno Gavinu Dettori interviene sugli articoli di Giulio Angioni sul tema dell’identità con questa poesia che pubblichiamo volentieri (Red)

1- Chin s’identidade est naschìdu
de sa umana zenia, in custu mundhu,
l’ada populadu tott’in tundhu,
in donzi logu at fattu su nidu.

2- Sole e astrau an puru carpidu ,
de colore biancu,grogu e niedhu,
pedhe, pilos, e fintzas su faedhu,
in milli e prus limbazos est partidu.

3- In colores e ratzas assotziados
sa terra in partes, male ana divisu.
Chircan’in chelos, Deos de pretzisu,
pro fagher logu paren’airados.

4- Si faghene credentes relizosos,
chirchendhe fundhamentos de sa vida.
Ma in cussa identidade est ischìda,
agatan puru guerra, e pagos gosos.

5- A bi pensare solu appena, appena,
s’omine, identidades contiviza;
ma cussa chi nos’unudi a sa chiza,
est solu una, e iscurred’in vena

7- S’identidade est fattu naturale
tottu semus frades de naschìda.
Su sambene onzi razz ’a mescìda,
no ischidi chi est custu, chie est su tale.

11- S’identidade est sempre valore,
si naschidi solu pro su bene.
Mira, sa paghe la muntene,
est issa, de sa vida su fiore.

13- S’identidade est puru apartenentzia,
ma est fintzas divisione.
Si in cuntrastu sos valores pones
de issa sindhe perde s’essentzia.

15 S’identidade, tue no l’ ischides
est comente pibera velenosa.
In sinu pare ch’issa riposa,
ma chin velenu s’ateru l’ucchidet.

20- Su chi nois semus bona parte,
su sambene, s’istoria, s’iscientzia,
est de lu tennere in presenzia,
chi onzunu est de s’ateru arte.

21- Su de ischire est printzipale,
est chi semus de tottu e in tott’ue.
Nessunu est solu cussu e de incue
ma zente de mundhu in generale

26- Sa vera identidade universale,
est in sa raighina ‘e sa naschìda.
S’umanidade sempre est riunida
In populos unidos in migrare.

27-Subra su mundhu,
candho olada sa paghe,
muda restada s’identidade.

*Fonte immagine